Re-Genta Hotel
ਮੋਹਾਲੀ, 10 ਅਪ੍ਰੈਲ:
ਮੋਹਾਲੀ ਸ਼ਹਿਰ ਦੇ ਲਈ ਇਹ ਬੜੇ ਮਾਣ ਵਾਲੀ ਗੱਲ ਹੈ ਕਿ ਇਥੇ ਸਥਿਤ ਹੋਟਲ ‘ਰਿਜੈਂਟਾ ਪਲੇਸ’ ਮੋਹਾਲੀ ਨੇ ਐੱਚ.ਵੀ.ਐੱਸ. ਐਨਾਰੌਕ ਐਵਾਰਡਸ ਵਿੱਚ ਰਾਸ਼ਟਰੀ ਮਾਨਤਾ ਪ੍ਰਾਪਤ ਕੀਤੀ ਹੈ ਜਿਸ ਦੇ ਤਹਿਤ ਇਸ ਹੋਟਲ ਨੂੰ ‘ਬੈਸਟ ਹੋਟਲ – ਬਿਜ਼ਨਸ 2025 ਮਿੱਡ-ਸਕੇਲ’ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਹੋਟਲ ਭਾਰਤ ਭਰ ਦੀਆਂ ਉਨ੍ਹਾਂ 300 ਪ੍ਰਾਪਰਟੀਜ਼ ਵਿੱਚੋਂ ਵੱਖਰਾ ਹੈ, ਜੋ ਕਿ ਖੇਤਰ ਦੇ ਪ੍ਰਾਹੁਣਚਾਰੀ ਖੇਤਰ ਲਈ ਇੱਕ ਮਹੱਤਵਪੂਰਨ ਪ੍ਰਾਪਤੀ ਹੈ।
ਇਸ ਮੌਕੇ ’ਤੇ ਬੋਲਦੇ ਹੋਏ ਵਿਨੈ ਚਤੁਰਵੇਦੀ, ਅਸਿਸਟੈਂਟ ਵਾਈਸ ਪ੍ਰੈਜ਼ੀਡੈਂਟ (ਨਾਰਥ) ਅਤੇ ਰਿਜੈਂਟਾ ਪਲੇਸ ਮੋਹਾਲੀ ਦੇ ਜਨਰਲ ਮੈਨੇਜਰ ਅਰੁਣ ਗੁਪਤਾ ਅਤੇ ਉਨ੍ਹਾਂ ਦੀ ਟੀਮ ਦੀ ਇਕਸਾਰ ਸਰਵਿਸ ਮਿਆਰਾਂ, ਮਹਿਮਾਨਾਂ ਦੀ ਸੰਤੁਸ਼ਟੀ ਅਤੇ ਸੰਚਾਲਨ ਉੱਤਮਤਾ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਇਹ ਮਾਨਤਾ ਮੋਹਾਲੀ ਦੀ ਇੱਕ ਕਾਰੋਬਾਰੀ ਅਤੇ ਸੈਰ-ਸਪਾਟਾ ਸਥਾਨ ਵਜੋਂ ਵਧ ਰਹੀ ਪ੍ਰਮੁੱਖਤਾ ਨੂੰ ਦਰਸਾਉਂਦੀ ਹੈ।
ਉਨ੍ਹਾਂ ਦੱਸਿਆ ਕਿ ਹੋਟਲ ਰਿਜੈਂਟਾ ਪਲੇਸ ਸਥਾਨਕ ਸ਼ਹਿਰ ਮੋਹਾਲੀ ਖੇਤਰ ਦੇ ਰੁਜ਼ਗਾਰ ਵਿੱਚ ਵੀ ਮਹੱਤਵਪੂਰਨ ਯੋਗਦਾਨ ਪਾਉਂਦੇ ਹੋਏ ਪੰਜਾਬ ਦੇ ਲੋਕਾਂ ਨੂੰ ਲਗਭਗ 100 ਸਿੱਧੇ ਅਤੇ 300 ਅਸਿੱਧੇ ਤੌਰ ’ਤੇ ਨੌਕਰੀਆਂ ਦੇ ਮੌਕੇ ਪ੍ਰਦਾਨ ਕਰ ਰਿਹਾ ਹੈ। ਇਹ ਪ੍ਰਾਪਤੀ ਨਾ ਸਿਰਫ਼ ਸ਼ਹਿਰ ਮੋਹਾਲੀ ਦੀ ਸ਼ਾਖ ਨੂੰ ਵਧਾਉਂਦੀ ਹੈ ਬਲਕਿ ਟ੍ਰਾਈਸਿਟੀ ਖੇਤਰ ਵਿੱਚ ਪ੍ਰਾਹੁਣਚਾਰੀ (ਮਹਿਮਾਨ ਨਿਵਾਜ਼ੀ) ਦੇ ਵਧਦੇ ਮਿਆਰਾਂ ਨੂੰ ਵੀ ਦਰਸਾਉਂਦੀ ਹੈ, ਜੋ ਮੋਹਾਲੀ ਨੂੰ ਭਾਰਤ ਦੇ ਦਰਮਿਆਨੇ ਪੱਧਰ ਦੇ ਹੋਟਲ ਹਿੱਸੇ ਵਿੱਚ ਇੱਕ ਪ੍ਰਤੀਯੋਗੀ ਖਿਡਾਰੀ ਵਜੋਂ ਸਥਾਪਿਤ ਕਰਦੀ ਹੈ।
