ਕਥਾ ਵਾਚਕ ਆਚਾਰੀਆ ਇੰਦਰਮਣੀ ਤ੍ਰਿਪਾਠੀ ਅਤੇ ਸਮਾਜ ਸੇਵਕ ਸੁੰਦਰਲਾਲ ਅਗਰਵਾਲ ਦੀ ਅਗਵਾਈ ਹੇਠ ਹਰ ਰੋਜ਼ ਸ਼੍ਰੀਮਦ ਭਾਗਵਤ ਕਥਾ ਅਤੇ ਅਟੁੱਟ ਭੰਡਾਰਾ ਆਯੋਜਿਤ ਕੀਤਾ ਜਾ ਰਿਹਾ ਹੈ
ਮੋਹਾਲੀ 10 ਸਤੰਬਰ
ਪਿਤ੍ਰੂ ਪੱਖ ਦੇ ਮੌਕੇ ‘ਤੇ ਮੰਦਰ ਕਮੇਟੀ, ਸੈਕਟਰ-68 ਮਹਿਲਾ ਸੰਕੀਰਤਨ ਮੰਡਲ ਅਤੇ ਮਾਂ ਅੰਨਪੂਰਨਾ ਫੇਜ਼-5 ਦੇ ਸਹਿਯੋਗ ਨਾਲ ਮੋਹਾਲੀ ਦੇ ਸੈਕਟਰ-70 ਮਟੌਰ ਸਥਿਤ ਪ੍ਰਾਚੀਨ ਸ਼੍ਰੀ ਸੱਤਿਆ ਨਾਰਾਇਣ ਮੰਦਰ ਵਿੱਚ 8 ਤੋਂ 16 ਸਤੰਬਰ ਤੱਕ ਸ਼੍ਰੀਮਦ ਭਾਗਵਤ ਕਥਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਅੱਜ, ਕਥਾ ਦੇ ਤੀਜੇ ਦਿਨ, ਜਿੱਥੇ ਇੱਕ ਪਾਸੇ ਕਥਾ ਵਾਚਕ ਇੰਦਰ ਮਣੀ ਤ੍ਰਿਪਾਠੀ ਨੇ ਸ਼ਰਧਾਲੂਆਂ ਨੂੰ ਸ਼੍ਰੀਮਦ ਭਾਗਵਤ ਕਥਾ ਸੁਣਾਈ, ਉੱਥੇ ਦੂਜੇ ਪਾਸੇ, ਉਨ੍ਹਾਂ ਨੇ ਵੱਖ-ਵੱਖ ਭਜਨਾਂ ਨਾਲ ਇੱਕ ਸ਼ਾਨਦਾਰ ਮਾਹੌਲ ਬਣਾਇਆ ਅਤੇ ਸ਼ਰਧਾਲੂਆਂ ਨੂੰ ਨੱਚਣ ਲਈ ਮਜਬੂਰ ਕੀਤਾ।
ਇਸ ਮੌਕੇ ਸ੍ਰੀ ਵਿਕਰਮ (ਜ਼ਿਲ੍ਹਾ ਪ੍ਰਚਾਰਕ ਆਰ.ਐਸ.ਐਸ. ਮੁਹਾਲੀ), ਮਨੋਜ ਜੋਸ਼ੀ ਚੇਅਰਮੈਨ ਸ੍ਰੀ ਬ੍ਰਾਹਮਣ ਮਹਾਸਭਾ ਪੰਜਾਬ, ਵਿਸ਼ਾਲ ਸ਼ਰਮਾ ਪ੍ਰਧਾਨ ਸ੍ਰੀ ਬ੍ਰਾਹਮਣ ਮਹਾਸਭਾ ਪੰਜਾਬ, ਵਿਕਾਸ ਕਲਸੀ ਆਰ.ਐਸ.ਐਸ., ਸ੍ਰੀ ਸਤਿਆਨਾਰਾਇਣ ਮੰਦਿਰ ਦੀ ਸਮੁੱਚੀ ਟੀਮ ਤੋਂ ਇਲਾਵਾ ਸ੍ਰੀਮਦ ਭਾਗਵਤ ਕਥਾ ਦੇ ਮੁੱਖ ਯਜ਼ਮਾਨ ਸਮਾਜ ਸੇਵੀ, ਸੁੰਦਰਲਾਲ ਅਗਰਵਾਲ ਐਮ.ਡੀ. ਰਤਨ ਪ੍ਰੋਫੈੱਸਨਲ ਕਾਲਜ ਸੋਹਾਣਾ, ਸ਼੍ਰੀਮਤੀ ਸੰਗੀਤਾ ਅਗਰਵਾਲ, ਕਾਰਤਿਕ ਅਗਰਵਾਲ ਅਤੇ ਯੱਗਿਆਚਾਰੀਆ ਪੰਡਿਤ ਸੋਹਨ ਸ਼ਾਸਤਰੀ ਤੋਂ ਇਲਾਵਾ ਮਾਂ ਅੰਨਪੂਰਨਾ ਸਮਿਤੀ ਮੋਹਾਲੀ ਦੀਆਂ ਔਰਤਾਂ ਅਤੇ ਹੋਰ ਮਹਿਲਾ ਸ਼ਰਧਾਲੂ ਹਾਜ਼ਰ ਸਨ।
ਸ਼੍ਰੀਮਦ ਭਾਗਵਤ ਪ੍ਰਬੰਧਕਾਂ ਨੇ ਦੱਸਿਆ ਕਿ 8 ਸਤੰਬਰ ਤੋਂ 14 ਸਤੰਬਰ 2025 ਤੱਕ ਸ਼ਾਮ 5 ਤੋਂ 8 ਵਜੇ ਤੱਕ ਪਿਤ੍ਰੁ ਸ਼ਾਂਤੀ ਸ਼੍ਰੀਮਦ ਭਾਗਵਤ ਕਥਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਮਹਾਂ ਆਰਤੀ ਅਤੇ ਫਿਰ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਹਰ ਰੋਜ਼ ਸਵੇਰੇ 8 ਤੋਂ 10 ਵਜੇ ਤੱਕ ਗਣੇਸ਼ਦੀ ਪੂਜਨ, ਮੂਲ ਪਾਠ, ਪਿਤਰ ਪੂਜਨ ਤਰਪਣ ਵੀ ਕੀਤਾ ਜਾ ਰਿਹਾ ਹੈ।
